أبراج المؤامرة الكونية !!!

برج الزرافة

عزيزي صاحب هالبرج.. قدامك طريق طويييل متل رقبتك، للأسف طريقك كلو غش وخيانة.. يعني يلي حواليك بس تخلص مصلحتهم معك رح يرفسوك ويتركوك، ويقصفولكهالرقبة (إي تضرب بهالرقبة)..

برج النعامة

الوضع عندك حيكون ضبابي… دربك من بداية السنة معبى أحلام وهمية وعصافير تزقزق!!… شنك عطول داحش راسك بالتراب وكأنه ما في شي حواليك..! وخايفترفعو وتشوف الحقيقة وتفتح تمك بالحق..!! بحب نبهك انو صار لازم تلحق حالك وتصحى من هالمنام.. شنو قرب يخلص..!

برج البطة

بالأشهر الأولى من السنة كانت حياتك كلها حب وغرام طبعًا.. يا ضرسان!، وبعد ما الأمور صارت واضحة للكل بحب نبهك وقلك حذار حذار..!! فعلى ما يبدو من الحركة الثورية عالأرض انو البط رح ينقرض قريبًا.. ويابطة كاكي كاكي الثورة السورية وراكي..

برج الجحش

عليك أن تنتبه عزيزي الجحش فالمؤامرة الكونية رح تعاكسك بشكل كبير بالأيام المقبلة.. ومتل ما مفكر حالك إنك الأقوى عالأرض وقوتك رح تمتد للفضاء..!! اتأكد إنو هالأوهام يلي عايش فيها وعم تحاول توهم فيها يلي حوليك رح تتلاشى بوقت قريب جدًا وتتبخر بالسما..(بإذن الله).

بالمناسبة: يلعن روح أبوك !!

برج الشبيح

سنة 2012 بالنسبة إلك ما بتختلف عن السنة يلي قبلها..!! وضعك هو نفسو ما اتغير..! وحشيتك بازدياد مستمر وظلمك عم يكبر.. للأسف الجيش الحر رح يدخل بحياتك بالأيام الجاية ويوقفك عند حدك.. !

برج البوق

بالنسبة إلك عزيزي البوق هي الفترة تعتبر فترة رفاهية ورح تتعبى جيبتك مصاري ورح تترقى لمناصب عالية.. بس لازم تدير بالك وتقصر لسانك شوي لأن برج الحرية ما رح يتركك بحالك ورح يكون هو السبب بعكس موازين حياتك بشكل كلي..

برج العوايني

انتقلت للـ 2012 مع استمرار نفس وتيرة عملك وطبعًا شغلك بتربح من وراه مصاري كتيرة.. لأنك بتتخبىوبتظهر للناس طيبة قلبك بس انت بالحقيقة بتلسع متل العقرب، وبتغدر بصحابك وأهلك..!! لازم تنتبه من كوكب زحل لأنوحيزحلقك ويوقعك بشر أعمالك..

برج المنحبكجحش

تشعر بتخبط كبير بينك وبين ذاتك.. وحيرة هل أنت من فصيلة الإنسان أم الحيوان..؟! هناك تآلف كبير بينك وبين برجي الشبيح والبوق.. أنصحك بالتوقف عن متابعة برنامج «عالم الحيوان»

برج الحرية

انولدت بـ 15 آذار 2011.. وولادتك كانت هي إحياء لصوت مدفون داخل قلوب الناس.. وبتوقع بالمستقبل رح تكبر وتشوف النور.. والأيام الجاية رح تكون أحلى من يلي فاتت.. شنوقررررربت

برج المندس

عزيزي المندس مرت عليك سنة 2011 والسنة الحالية مليانة ظلم وقهر ومبادرات!!.. بدك تصبر وتتحمل فبرج الحرية عم يدور حواليك ويساندك، لازم تغتنم الفرصة وتطالب بحقك.. والفرج قريب بإذن الله ورح تطلع شمس الحرية..